منتديات حزن العشاق - قصيده الباقيه فحياتك للشاعر محمد كامتشو من ديوان وجع

منتديات حزن العشاق (http://www.chat-hozn3.com/vb/index.php)

- منتدى الشعر بقلمك الخاص (http://www.chat-hozn3.com/vb/forumdisplay.php?f=63)

قصيده الباقيه فحياتك للشاعر محمد كامتشو من ديوان وجع

البقية في حياتك ..
و في اللي فاتك ..
و اللي راح ..و اللي جي ..
البقية في اللي ماتلك .. و اللي حي ..
بكرة تمشي لوحدك جدا ..
جدا جدا ..
بكرة تعجز قبل سنك ..
بكرة تخسر حتة منك ..
في اي صاحب متعاشرش ..
بكرة تقع بدري جدا ..
جدا جدا ..
و تستسلم ومتعافرش ..
البقية في الباقية ..
واللي باقي ادعي ربك انه ميطرش ..
البقية في اللي جنبك و اللي باعك ..
ليه تحاول .. متحاولش !
البقية في اللي يسوي ..
و اللي يسوي يساوي قرش !
البقية هي هي ..
البقية فئة فيك و فيا ..
وفي اللي سمعوا و هما طرش .
البقية في اللي فاضل ..
من حياتك و ذكرياتك ..
البقية يا أفاضل ...
في أحزانك و إيفاهتك ..
اللي مات أهو مات و ارتاح ..
و البقية في حياتك !
‫محمد كامتشو‬

رد: قصيده الباقيه فحياتك للشاعر محمد كامتشو من ديوان وجع

سلمت الايادي
المشاركة جميلة جدا

رد: قصيده الباقيه فحياتك للشاعر محمد كامتشو من ديوان وجع

والله يا محمد مع كلماتك المصريه
جابت معاني كتير حلوة
عن نفسي
حبيت كتير هالسطور الكميله
يا ريت اشوفلك حاجات كمان وكمان
مش عارفه ليش المعاني جذبتني
بس اكيد ورى هالكلمات شخص بيفهم
5 نجوم
ونورتنا يا كـــآمتشوو
احترامي

رد: قصيده الباقيه فحياتك للشاعر محمد كامتشو من ديوان وجع

حروف الجمال
وتطرز الابداع
على السطور وعلى الصفحات
واصل ابداعك وسنكون
متابعين لك
دمت بخير