منتديات حزن العشاق - جنت غلطان ماخذ غيبتك دوم.

منتديات حزن العشاق (http://www.chat-hozn3.com/vb/index.php)

- منتدى الشعر الشعبي العراقي و العربي (http://www.chat-hozn3.com/vb/forumdisplay.php?f=12)

- - جنت غلطان ماخذ غيبتك دوم. (http://www.chat-hozn3.com/vb/showthread.php?t=292064)

جنت غلطان ماخذ غيبتك دوم.

جنت غلطان ماخذ غيبتك دوم

چنت غلطان ما خذ غيبتك دوم
تحلفلي واچذبك وانهي العتاب
وتجي وتوگف وباب الروح مسدود
وچنت لغير حبك فاتح الباب*
ادور فرصة حته ازاعل وياك
وعلى كل كلمة اسوي حساب وكتاب*
وارد زعلان منك ما اعرف ليش
واتركك من اروح ادور اسباب*
اعوفك وادري روحك تمشي وياي
واخليك بگفاي دموع وثياب*
واگلك محترگ بس انه بردان
وتجي اطفيني واشتم بيك عطاب*
يلگلبك وياي كتاب مفتوح
لكن وية غيري يصير سرداب*
يلمرهمها بس مارهمت وياي
يل ماخذ بطوله بدور الاحباب*
كلما باب تفتح حته اراضيك
تلگاني بغيابك سادلك باب*
تتناكث احلامك خوف وياي
مثل رجفت العش گبال حطاب*
انا هديت چفك ورده وتطيح
وعلى خدودك الدمعه مهاجره اسراب*
يل منك دريت شلون مرات
اكو بين الدموع ادموع تنهاب*
ياخيبة امل فلاح بعدين
دره بوكت الحصاد الذاره تراب*
گلب شايل چفن رديتلك هيچ
اخذ ثارك لان بيناتنه احساب*
ولتسامح بعد لله في الله
ولا تلزم الچف البي الظن خاب*
وانا مزعلك بگد ما مفتر الميل
وكت بي چنت تحسب طول الغياب*
اهي چانت غلطتي وفرطت بيك
وطن عفتك ورحت الديرة اغراب*
اذا رايد تعرف شلون ندمان
شوف دموعي اذا طاريك ينجاب*
اذا تذكر وعدتك مره بالليل
عهد گتلك نظل لموتتنا احباب*
متت هسه ولكن نفسي موجود
وتتنفسك روحي ويه الهوه الهاب*
وهسه الدور اليه واني اوصيك
اذاجرحك تلايم وانتهى وطاب*
تجي تهل ذكرياتك عل الگبر كون
لتخليهم ايهلولي تراب
وبعد من ثلج بالك تصنع احلام
لان حلم الصنعته من الثلج ذاب
واذا حبيت بالك تعرف الناس
المرة الثانية يگولون چذاب