اكلات رمضان طاجن اصابع البامية باللحم بالصور

[ورد الملائكه]

اكلات رمضان طاجن اصابع البامية باللحم بالصور

http://www.chat-hozn3.com/vb/storeimg/images_1402754342_914.jpg

المقادير : 1/2 كيلو بامية
1/4 كيلو طماطم
1/4 مفروم
بصلة متوسطة الحجم
معلقتين سمن
3 فصوص توم كبار
ملح وفلفل اسود
طريقة التحضير نعصج اللحم المفروم
ودا بيبقى بتحمير البصل فى السمن لحد ما يبتدى يحمر
نحط التوم المفروم ساعتها
وبعد دقيقة من التوم نحط المفروم ونقلب كويس
ونسيب المفروم يتعصج يعنى يستوى ويبقى عصاج
نحط بعد كده الطماطم بعد ضربها فى الخلاط والملح والفلفل
لما يتسبك
نجيب الطاجن نحط فيه الخلطة دى والبامية ونقلب كويس
مع شوية شوربة او مية ونحطها فى الفرن
ونتابع الفرن عشان تستوى البامية وتتحمر من الوش كمان بعد ما تستوى
ولو الفرن محتاج نعمل الشواية عشان الوش نتابعه برده
طبعا لو هنعملها باللحمة ممكن نسلقها وبعدين نحطها معاها قبل ما نضيف البامية على طول
او لو لحمة بتلو مثلا تتحط نية مع البصل فى الاول بدل العصاج او معاه