تورتة السبت ووردات الفوندان الملونة لمحبي الحلويات

[ورد الملائكه]

مرحبا اعضاءنا محبي الحلويات:mi:
نا دايما لما بعمل تورتات
بستخدم دقيق الاسبونش الجاهز بس فيه ناس كتير بعتولى وقالولى انه مش متوفر عندهم او فى المكان اللى هما عايشين فيه فعشان كده حبيت اعمل الكيكة الاسفنجية بالطريقة الكلاسيكية فى البيت وطريقتها سهلة جدا واى حد يقدر يعملها
مكونات الكيكة:
2 كوب الا ربع دقيق

ربع كوب نشا
كوب سكر
5 بيضات كبار
ملعقة ونصف صغيرة بيكنج بودر
ملعقة صغيرة فانيليا سايلة
وطبعا لازم المكونات كلها تكون بدرجة حرارة الغرفة

مكونات الحشو والتغليف:
2 كوب كريم شانتى
خام
5 ملعقة كبيرة لبن بودرة
5 ملعقة كبيرة سكر بودرة
2 كوب ماء مثلج
نصف ملعقة صغيرة لون طعام اخضر بودرة
وللتزيين هنحتاج:
عجينة فوندان ملونة
الطريقة
بالنسبة للكيك اول حاجة فى إناء هنحط البيض مع الفانيليا
http://http://i56.servimg.com/u/f56/16/73/51/37/115.jpg
ونضربهم بالمضرب الكهربائى لمدة لاتقل عن دقيقتين
وفيه ناس هتقول كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى

http://www.chat-hozn3.com/vb/storeimg/images_1399932072_819.jpg

ونحط عليهم كل كمية السكر

http://www.chat-hozn3.com/vb/storeimg/images_1399932073_669.jpg

ونضربهم على اقصى سرعة لمدة لاتقل عن 10 دقايق متواصل

http://www.chat-hozn3.com/vb/storeimg/images_1399932073_286.jpg

لغاية مايبقى لونه فاتح ويتكاثف ويبقى كريمى ويعمل علامة زى الشريط او رقم 8 لما نشيل من عليه المضرب


وهننخل الدقيق والنشا والبيكنج بودر ونحطهم على الخليط(والنشا فايدته انه بيدى طراوة للكيكة)

http://www.chat-hozn3.com/vb/storeimg/images_1399932073_165.jpg

ونقلبهم من فوق لتحت بالأسباتيولا وبرفق


لغاية ماتختفى كل كمية الدقيق ونحطها فى صينية مدهونة


وخبزتها فى فرن منخفض الحرارة وطبعا كل واحدة فرنها يختلف عن التانى واختبرتها وطلعتها

http://www.chat-hozn3.com/vb/storeimg/images_1399932073_406.jpg

ونقلبها على ورق خبز


وسبتها فى التلاجة لمدة يوم كامل عشان تتماسك
وجهزت ادوات التقطيع والحشو

http://www.chat-hozn3.com/vb/storeimg/images_1399932072_213.jpg

وقسمتها ل3
http://www.chat-hozn3.com/vb/storeimg/images_1399932072_920.jpg

وطبعا الكيك الإسفنجى ليه طرق كتيييييييييييير جدا متتعدش بس انا حبيت اعملها بأسهل واسرع طريقة
وهنجهز
الحشو هنحط المكونات كلها على بعض


ونخفقهم كلهم لغاية مانحصل على قوام الكريم شانتى المطلوب واللون كمان نشوف اذا كان محتاجين نزوده او لاء


وبالنسبة للون انا اخترته لأنى حبيت اغير عشان دايما ابيض او شوكولاته وطبعا تقدروا تغيروا للون اللى بتحبوه
وهنبدأ نحشى الكيكة
ونقدر نحط عليها سيرب او مربى قبل مانحط عليها الكريم شانتى حسب رغبتكم


وهنغلفها بالكريم شانتى وهنمشى عليها من فوق بالشوكة او بمشط الحلويات المشرشر


وهنستخدم القمع المشرشر عشان نعمل شكل السبت

http://www.chat-hozn3.com/vb/storeimg/images_1399932072_837.jpg

بالنسبة لشكل السبت هنعمل خطوط رأسية

http://www.chat-hozn3.com/vb/storeimg/images_1399932072_314.jpg

وهنمشى عليها بالخطوط الأفقية هنمشى على عمود ونسيب اللى بعده وهكذا وصف الخطوط الأفقية التانى هيبقى عكس اللى فوقه عشان يدينا شكل السبت

http://www.chat-hozn3.com/vb/storeimg/images_1399932072_617.jpg

ولازم العواميد الرأسية يكون عددها زوجى عشان اخر عمود يقفل مع اول عمود
وهيدينا شكل السبت على جناب التورتة


خلصنا الجزء الرئيسى وهنيجى لأخر جزء فى التزيين هنجيب عجينة الفوندان الملونة اللى عندنا ونختار الألوان اللى عايزنها

http://www.chat-hozn3.com/vb/storeimg/images_1399932072_408.jpg

بالنسبة لعجينة الفوندان انا بشتريها جاهزة وبلونها فى البيت ده لما مش بلاقى الملونة بس طبعا الأسهل انكم تشتروا الملونة جاهزة لأن تلوينها بياخد منى وقت كبير ومجهود وهنجيب قطاعات الفوندان البلاستيك اللى هتدينا شكل الورد

http://www.chat-hozn3.com/vb/storeimg/images_1399932072_467.jpg

وهنفرد عجينة الفوندان على نشا ونضغط عليها بالقطاعات

http://www.chat-hozn3.com/vb/storeimg/images_1399932072_573.jpg

بالنسبة لعجينة الفوندان فيه ناس كتير بتشتكى انها بتكون معاهم مفتفتة او ناشفة جدا الحل انكم تسخنوها على حمام مياه زى مابنسيح الشوكولاته وبمجرد ماتسخن وتبقى طرية نشيلها ونعجنها بإيدينا هترجع معانا زى اول ماشتريناها وهتبقى قطعة واحدة وطرية
انا حطيت الورد وكتبت على التورتة بنفس عجينة الفوندان
شكلها النهائى

http://www.chat-hozn3.com/vb/storeimg/images_1399932073_575.jpg

http://www.chat-hozn3.com/vb/storeimg/images_1399932073_596.jpg

http://www.chat-hozn3.com/vb/storeimg/images_1399932073_706.jpg

http://www.chat-hozn3.com/vb/storeimg/images_1399932073_507.jpg
شكلها بعد ماقسمتها

http://www.chat-hozn3.com/vb/storeimg/images_1399932073_278.jpg
يارب موضوعى البسيط يكون عجبكم

[وردة الكاردينيا]

عاشت ايدك عمري على هااي الوصفة الشهية

[ورد الملائكه]

شكرا لمرورك على موضوعي اغلى وردا