رغم ميت حنانك باقي أتانيك
02-04-2013, 11:45 PM
ايهاب المالكي ... ع الحب كتلك البي تضحية يعيش
عالحب گتلك البي تضحية يعيش
خذت رايي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
طرت چن دمعة وبجنحينها رموش
وعلى شجرة ضحكتك سكته حطيت
خيل ضنوني طلعت خيل عرجاء
وانا مراهن عليها تفوز ضنيت
من شفتك تطش سنيني والله
لأن بيهن حلا حسبالي جكليت
غشيم وگلت ما ساوي اليلمون
عزت نفسي ما خلتني لميت
انا بلا وعي من انطيتك الروح
وعقل ماچان عندي وهسة فزيت
ماچذب واگلك باچر انساك
عفتني وذكريات هوايه خليت
اذا كل حايط البي اسمك يطيح
على هـالحالة لازم نهدم البيت
بأخير ايام عشت بروحك هواي
ديرة شايلين و وحشة حسيت
ظلمة و ريح بيها وصوت بيبان
وردت اطلع ولكن ما اندليت
انا الباني السفينة ومو مثل نوح
صعدتك و بالطوفان ظليت
وجبت عشب الخلود انطيتك اياه
وگلت احمل الفشلة وخالي رديت
بحرگتي وخفت تدريجياً اشتاگ
وخفت ردود گلبي يگلي حنيت
من دمعتي لحجيك وكت الوداع
خط وهمي بوكتها بچفي جريت
طلاسم نظرتك فكتها الاعذار
وبعيونك شگد الغاز حليت
چنت تحچيلي وايدي تهدم احلام
وبمعول دمعتي بقوة دگيت
بحيث من انتهيت من المواضيع
ذيـچ الساعة ماظل كلشي هديت
فده من يـنچفي يگولون عالماي
وفدوة شلون اگلك ماتبديت
انا شفتك ثلج بحلوگ شمات
معقولة بحلگهم ما حتريت
ماگتلي الرواية اخرها مبتور
چا بأول مشاهد مانشديت
ولو ادري اليظل ممنوع مرغوب
لا رخصت روحي ولا انذليت
انة ابحرت بيك اعناد عالروج
وعلى خصر الشراع وزار شديت
الهوه هذا اليمرني اتخيلك بي
حتى التقي وياك منين ماجيت
يعني بمعنى اخر مستحي احجيه
ترى بس انت غيرك ما اشتميت
وحررت اسمك من شفايف الغير
وعلمودك شگد حروب طبيت
وبعدة ذرائع قادر اجتاح
.ولكن شبر منك ما أحتليت
اكض الليل بيدي من اوگف وياك
بدليل شگد عليك نجوم طشيت
چنت اگدر اجيك بدون عنوان
وحتى ادخل بگلبك لو اضطريت
علي محسوب سر وانت مگيول
وعلى ازغر اعدائك ما انظميت
ما عندك عذر ينگال للناس
يمي ومن حچيهم؟ ما افتكيت
لهسه اكل بصبعي الاشرت بي
عليك وبي الف نيشان خليت
مثل حب الارض وية الشمس بي
چنت سطحي بنظرتي وفطرة حبيت
لو ادري الشمس ماتفتر وياي
على روحي بعشرتك ما افتريت
انة عابيت حتىعيوني بچفاك
بيهن وبنظرهن ما اعتزيت
مر يم بيتنا مستطرق وشوف
تلگه اباب بيتي عيون ذبيت
انا ظهري احترف طعنات العزاز
وگمت اعرف اديهم لو اندچيت
بلا شوف واگلهم ها منو فلان ؟
بس انت عكسهم ماتسميت
حتى انساك لازم ينلغي الليل
اذا بالليل اذكرك چا سويت
واحتار من اظل ابين رأيين
اذا عن رأي منهن ما استغنيت
بما انك عفتني بكل الاحوال
ماتفرق نسيتك لو تناسيت
عالحب گتلك البي تضحية يعيش
خذت رايي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
طرت چن دمعة وبجنحينها رموش
وعلى شجرة ضحكتك سكته حطيت
خيل ضنوني طلعت خيل عرجاء
وانا مراهن عليها تفوز ضنيت
من شفتك تطش سنيني والله
لأن بيهن حلا حسبالي جكليت
غشيم وگلت ما ساوي اليلمون
عزت نفسي ما خلتني لميت
انا بلا وعي من انطيتك الروح
وعقل ماچان عندي وهسة فزيت
ماچذب واگلك باچر انساك
عفتني وذكريات هوايه خليت
اذا كل حايط البي اسمك يطيح
على هـالحالة لازم نهدم البيت
بأخير ايام عشت بروحك هواي
ديرة شايلين و وحشة حسيت
ظلمة و ريح بيها وصوت بيبان
وردت اطلع ولكن ما اندليت
انا الباني السفينة ومو مثل نوح
صعدتك و بالطوفان ظليت
وجبت عشب الخلود انطيتك اياه
وگلت احمل الفشلة وخالي رديت
بحرگتي وخفت تدريجياً اشتاگ
وخفت ردود گلبي يگلي حنيت
من دمعتي لحجيك وكت الوداع
خط وهمي بوكتها بچفي جريت
طلاسم نظرتك فكتها الاعذار
وبعيونك شگد الغاز حليت
چنت تحچيلي وايدي تهدم احلام
وبمعول دمعتي بقوة دگيت
بحيث من انتهيت من المواضيع
ذيـچ الساعة ماظل كلشي هديت
فده من يـنچفي يگولون عالماي
وفدوة شلون اگلك ماتبديت
انا شفتك ثلج بحلوگ شمات
معقولة بحلگهم ما حتريت
ماگتلي الرواية اخرها مبتور
چا بأول مشاهد مانشديت
ولو ادري اليظل ممنوع مرغوب
لا رخصت روحي ولا انذليت
انة ابحرت بيك اعناد عالروج
وعلى خصر الشراع وزار شديت
الهوه هذا اليمرني اتخيلك بي
حتى التقي وياك منين ماجيت
يعني بمعنى اخر مستحي احجيه
ترى بس انت غيرك ما اشتميت
وحررت اسمك من شفايف الغير
وعلمودك شگد حروب طبيت
وبعدة ذرائع قادر اجتاح
.ولكن شبر منك ما أحتليت
اكض الليل بيدي من اوگف وياك
بدليل شگد عليك نجوم طشيت
چنت اگدر اجيك بدون عنوان
وحتى ادخل بگلبك لو اضطريت
علي محسوب سر وانت مگيول
وعلى ازغر اعدائك ما انظميت
ما عندك عذر ينگال للناس
يمي ومن حچيهم؟ ما افتكيت
لهسه اكل بصبعي الاشرت بي
عليك وبي الف نيشان خليت
مثل حب الارض وية الشمس بي
چنت سطحي بنظرتي وفطرة حبيت
لو ادري الشمس ماتفتر وياي
على روحي بعشرتك ما افتريت
انة عابيت حتىعيوني بچفاك
بيهن وبنظرهن ما اعتزيت
مر يم بيتنا مستطرق وشوف
تلگه اباب بيتي عيون ذبيت
انا ظهري احترف طعنات العزاز
وگمت اعرف اديهم لو اندچيت
بلا شوف واگلهم ها منو فلان ؟
بس انت عكسهم ماتسميت
حتى انساك لازم ينلغي الليل
اذا بالليل اذكرك چا سويت
واحتار من اظل ابين رأيين
اذا عن رأي منهن ما استغنيت
بما انك عفتني بكل الاحوال
ماتفرق نسيتك لو تناسيت