انطيني ايدك للشاعر ايهاب المالكي

[احمد طراد]

جنت سامع كبل بالقاتل الماجور

من الشمات ياخذ ع الدم اتعاب
وانا ممنون منك جسدتلياه
كل للكلفوك الرايدينه انصاب
كالولك تلوحه وكلت طكت موت
ومن تلوح شاطربالف طكه حساب
جبت بيدك ورد لمعه الخنجر بيه
وانا مصدك شوفي وكلت لا جذاب
وكتلك ذاك خنجر كلت خنجر وين
حتى تخلني امن طلعتلي كراب
متت مامشتكي وعرفت اسراري الناس
شامت كايللهم كاتلينه احباب
انا عشت بجرح بس من زمان وياي
من يلجم بيدي يطيح منه تراب
من اقرالك قصيده الندى دموع يصير
وتون النوارس حدر جدمي اسراب
من دجيتني جنت ارد ابوسك جاي
يعني من التقينه جان عدنه اسباب
اجيتك والكمر مستحي يشوف الشوك
بس لمن صبتني ماتحمل غاب
انا بانيك جن قلعه ملك شبساع
هبت بيك ريح وصرت تل تراب
بست خدي وخفت بس كلت لا حلمان
اثر بوسه شفافك جان طبع انياب
لاتحسب ابياتي عتاب عود وياك
بس وي العزاز يصير عندي عتاب
انه بطلت اون بس الجرح بيه نار
صح طفيته بس ظال بيه عطاب
من الفه ضماد بس حسبة ثواني يطيح
لان مجنون جرحي ماتظمه ثياب
وانه ظميتهن دمعه وجرح مجنون
وتوالمن بيه وعايشات احباب
احلف عيوني منك كون دمعي يتوب
وانه شكي بمحله ومامصدك تاب
تهجم ذكرياتك وانه ابوابي هواي
اركض باب اسده وغاد يوكع باب
وانه ياباب افك حتى من اروح انساك
اهن لو كبر بيهن لو وراه سرداب

[لــہيہث الـہهہاشہمہي]

كلمات جميلة نابعة من احساس رائع سلمت الايادي
مودتي

[احمد طراد]

نورت ياغالي تسلملي

[ورد الملائكه]

حلو منقولك طراد
لا خلى ولا عدم
مودتي تسبق وردي
:w:

[احمد طراد]

نورتي وردة

[اسيل الدلوعة]

لاتحسب ابياتي عتاب عود وياك
بس وي العزاز يصير عندي عتاب


روووووووووووووووووووووووووعة
عاشت ايدك
دوم الابداع

[انثى مخمليه]

أبدعت,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتها
عذرا,, لتقبل عباراتي المتواضعة,,,
فلم اجد الحروف التي تليق بسمو قلمك ,,
,,,,التي قد تلملم ردا يناسب روعة ما قدمته
لك ودي وجل تقديري,,

[احمد طراد]

نورتي الموضوووووووووووع اسولة

[احمد طراد]

نورتوني ورووووووود

[الادميرال ميمو]

وكتلك ذاك خنجر كلت خنجر وين
حتى تخلني امن طلعتلي كراب
متت مامشتكي وعرفت اسراري الناس
شامت كايللهم كاتلينه احباب
انا عشت بجرح بس من زمان وياي
من يلجم بيدي يطيح منه تراب
من اقرالك قصيده الندى دموع يصير
==========
روووووووووووووعه
عاشت الايادي
لا تحرمنا من جديدك
تحياتي واحترامي