اسيل الدلوعة
10-30-2012, 12:36 AM
شلون عيون عندك جنهة ومضة سيف
وعيوني استحن من ومضة عيونك
يالكلك ترافة من الجدم للراس
يااصل الورد ومن الورد لونك
يالطولك قصيدة ومشيتك ومضات
ابوذيات خصرك كوة يقرونك
يارقة غزالة بمشيتك عالكاع
وبضحكة شفافك داخت سنونك
يشبهونك بالكمر وانت احلى منة هواي
ضم روحة الكمر حتى لايشبهونك
ولوقباني عايش بعدة والسياب
يعوفون الشعر حتى لايكتبونك
اشلونك كبل تحجيها من اتفوت
وبعدهة الكلب ينبض بس بالشلونك
قصايد غزل كتبوا ناس كبلي هواي
وانت شلون يمعود يكتبونك
شافو بس خيالك عيد كالو هاذ
اشتظن شيصير بيهم من يشوفونك
بالصف كاعد انتة وكلهة رسبت بيك
وانت بسحر عينك مية ينطونك
رسب حتى المدرس كتب بيك انذار
وحاروا يامكان البي يخلونك
واتفقت عليك الناس كلها اتكول
منهج بالمدارس خل يدرسونك
وعيوني استحن من ومضة عيونك
يالكلك ترافة من الجدم للراس
يااصل الورد ومن الورد لونك
يالطولك قصيدة ومشيتك ومضات
ابوذيات خصرك كوة يقرونك
يارقة غزالة بمشيتك عالكاع
وبضحكة شفافك داخت سنونك
يشبهونك بالكمر وانت احلى منة هواي
ضم روحة الكمر حتى لايشبهونك
ولوقباني عايش بعدة والسياب
يعوفون الشعر حتى لايكتبونك
اشلونك كبل تحجيها من اتفوت
وبعدهة الكلب ينبض بس بالشلونك
قصايد غزل كتبوا ناس كبلي هواي
وانت شلون يمعود يكتبونك
شافو بس خيالك عيد كالو هاذ
اشتظن شيصير بيهم من يشوفونك
بالصف كاعد انتة وكلهة رسبت بيك
وانت بسحر عينك مية ينطونك
رسب حتى المدرس كتب بيك انذار
وحاروا يامكان البي يخلونك
واتفقت عليك الناس كلها اتكول
منهج بالمدارس خل يدرسونك