نوسه
06-22-2011, 08:32 AM
قصة حب (http://www.iraq-cafe.com/vb/www.iraq-cafe.com/vb/showthread.php?t=54940)
كان يا مكان في قريب الزمان (المستقبل القريب يعني) كان اكو سهى وعلي ... كانو احلى كبل
علي:روحي سوسو مستحيل القى مثلجبالكون
سهى :ياعمري انت حب حياتي ومستحيل افكر بغيرك
علي :ما ابدلج بكنوز الدنيا...
سهى :طول ما اني عايشة بهالدنيا ما افكر بغيرك لو يقتلوني...
المهم اطولها عليكم من هذا الحجي الكلكم تعرفوه... فد يوم من الايام بينما كان علي عائدا من الكازينو الذي كان يلتقي فيه مع حبيبته سهى اندعم بحادث سيارة ونقلوه للمستشفى بعد ما تكسر وصل الخبر لحبيبته سهى ولما سمعت
سهى(بينها وبين نفسها):ياالله هذا بعد ميفيد هسة شحورة صار!!!...لازم اعوفه واشوف غيره هذا ميفيدني...بس شلون ؟؟!! شلون اكوله؟؟
وضلت سهى حايره بعدين قررت لازم تزوره للمستشفى حتى تكوله ... وبينما كانت سهى في طريقها الى المستشفى مرت من امام احدى البنايات الغير مكتمل بناؤها فوقعت عليها ادى ادوات البناء الثقيلة(يمكن الطاسة مال البنا) فكسرت كتفها ونقلت ايضا الى المستشفى في نفس اليوم الذي خرج فيه علي منها .... وبعدين علي خبروه بالحادث مال سهى
علي(بينه وبين نفسه):ياالله هاي صارت بايد وحدة شسوي بيها ؟؟!!!...فكر في الموضوع وقرر لازم يكوللها بعد متطلع من المستشفى انه راح يعوفها .... وبعد مضي ايام خرجت سهى من المستشفى فلما سمع علي طار من الفرحة واتصل بيها
علي: الحمدلله على سلامتج حب متتصورين شلون جنت وانتي غايبة عني طول هالفترة
سهى :وسلامتك حبيبي متتصور انت شكد وحشتني
المهم بعد حجي من هذا التعرفوه ... قرر علي وسهى يلتقون بنفس المكان الي يلتقون بيه كل مره الكازينو
وصارت الساعة 5 العصر والتقى الحبيبان
علي :جنت اريد اكولج على موضوع بس خايف...
سهى :وان همين
علي:يلا كولي موضوعج الاول
سهى :لا انت احجي الاول
وظلو على هذا الحال ربع ساعة
بعدين
على:حبي اني قررت اعوفج شتكولين؟؟
سهى:يا الله !! شفت حبيبي شلون افكارنا متشابهة!!
علي:يعني شنو انتي همين.............؟؟؟!!!
سهى :اي اي ان همين قررت اعوفك
وافترق الحبيبان وعيناهما مليئة بالسعادة والفرحة
كان يا مكان في قريب الزمان (المستقبل القريب يعني) كان اكو سهى وعلي ... كانو احلى كبل
علي:روحي سوسو مستحيل القى مثلجبالكون
سهى :ياعمري انت حب حياتي ومستحيل افكر بغيرك
علي :ما ابدلج بكنوز الدنيا...
سهى :طول ما اني عايشة بهالدنيا ما افكر بغيرك لو يقتلوني...
المهم اطولها عليكم من هذا الحجي الكلكم تعرفوه... فد يوم من الايام بينما كان علي عائدا من الكازينو الذي كان يلتقي فيه مع حبيبته سهى اندعم بحادث سيارة ونقلوه للمستشفى بعد ما تكسر وصل الخبر لحبيبته سهى ولما سمعت
سهى(بينها وبين نفسها):ياالله هذا بعد ميفيد هسة شحورة صار!!!...لازم اعوفه واشوف غيره هذا ميفيدني...بس شلون ؟؟!! شلون اكوله؟؟
وضلت سهى حايره بعدين قررت لازم تزوره للمستشفى حتى تكوله ... وبينما كانت سهى في طريقها الى المستشفى مرت من امام احدى البنايات الغير مكتمل بناؤها فوقعت عليها ادى ادوات البناء الثقيلة(يمكن الطاسة مال البنا) فكسرت كتفها ونقلت ايضا الى المستشفى في نفس اليوم الذي خرج فيه علي منها .... وبعدين علي خبروه بالحادث مال سهى
علي(بينه وبين نفسه):ياالله هاي صارت بايد وحدة شسوي بيها ؟؟!!!...فكر في الموضوع وقرر لازم يكوللها بعد متطلع من المستشفى انه راح يعوفها .... وبعد مضي ايام خرجت سهى من المستشفى فلما سمع علي طار من الفرحة واتصل بيها
علي: الحمدلله على سلامتج حب متتصورين شلون جنت وانتي غايبة عني طول هالفترة
سهى :وسلامتك حبيبي متتصور انت شكد وحشتني
المهم بعد حجي من هذا التعرفوه ... قرر علي وسهى يلتقون بنفس المكان الي يلتقون بيه كل مره الكازينو
وصارت الساعة 5 العصر والتقى الحبيبان
علي :جنت اريد اكولج على موضوع بس خايف...
سهى :وان همين
علي:يلا كولي موضوعج الاول
سهى :لا انت احجي الاول
وظلو على هذا الحال ربع ساعة
بعدين
على:حبي اني قررت اعوفج شتكولين؟؟
سهى:يا الله !! شفت حبيبي شلون افكارنا متشابهة!!
علي:يعني شنو انتي همين.............؟؟؟!!!
سهى :اي اي ان همين قررت اعوفك
وافترق الحبيبان وعيناهما مليئة بالسعادة والفرحة